Inspiring Mythological-Social Stories

iCon

masoom kameena!
[OP]
Regulars
May 18, 2011
3,221
90
We all have heard so many stories related to god, society, Raja-Raani etc in our childhood and in daily life. Share whatever stories you find inspirational.May I request admin to allow Hindi language in this thread? Some stories dont make much impression if speaker has not good enuf command over English :DOk lets start.. This story is all about GHAMAND! Naarad ko ek baar ghamand ho gaya ki wo bhagwan ka sabse bada bhakta hai, kyunki wo din raat sirf narayan-narayn bhajta rahta hai. .. Bhagwan Vishnu ko jab ye pata chala to wo mann hi mann muskuraye aur dusre din Naarad ko bulawa bheja.. Naarad khusi ke maare fulaa nahi sama raha tha ki swayam Bhagwan Vishnu ne usey bulaya hai.. Dusre din wo Vishnu ke paas pahucha, Vishnu chupchap Dharti ki taraf neeche dekhte hue muskura rahe they, Naarad se raha nahi gaya aur usne puchha.. Kya baat hai prabbu aap bahut khus lag rahe hain? Vishnu bole- Neeche dekho Naarad oos kisaan ko.. Wo hai mera sabse bada bhakta... Naarad to jaise aasmaan se gira, usse raha nahi gaya aur bola.. Prabhu wo to dinn me sirf 3 baar aapko yaad karta hai fir wo kaise aapka sabse bada bhakta hua? Vishnu Naarad ka ishara samajh rahe they fir bhi muskuraye aur bole.. Arey Naarad! tumhe maine ek jaruri kaam ke liye bulaya tha.. Wo to main bhul hi gaya.. Naarad bola.. Aagya kariye prabhu! Vishnu ne Naarad ke haatho par paani se labalab bhara hua katora rakha aur bole.. Naarad hume kal ek yagya karna hai.. Tumhe es jal ko teeno lok se ghuma kar wapas lana hai fir esse hum havan karenge... Naarad bola bass prabhu itna saa kaam? Ho jayega aap nischint rahiye.. Vishnu bole.. Magar dhyaan rahe Naarad ek bhi bund kahi gire nahi, hatheli par bhi nahi! Naarad oosi waqt teeno lok ke liye nikal pada.. Dusre din wo bade garv se Vishnu ke pass pahucha aur bola... Ye lijiye prabhu ek bhi bund nahi girne di maine kahi par bhi.. Vishnu bole.. Kamal kar diya Naarad tumne.. Achha ye batao.. Ess dauraan tumne kitni baar mera naam liya? Naarad ki bolti band.. Ek bund bhi kahi gir naa jaaye ke tension me uska sara dhyan katore me laga raha, usey bhagwan ko yaad karne ki fursat kaha thi... Naarad ko jabab dete nahi bann padd raha tha.. Vishnu bole.. Dekha Naarad.. Maine tumhe ek chhota saa kaam saupa aur tum tension me mujhe hi bhul gaye.. Lekin wo kisaan jo din raat mehnat karta hai wo subah uthkar sabse pahale mujhe yaad karta hai, fir bhojan karne se pahle mujhe dhanyawad deta hai aur sone se pahle mujhe yaad karke sota hai.. Wo jispar pure pariwar ki jimmedaari hai fir bhi wo 3 baar jarur mera naam leta hai.. Aur tum.. Ek kaam ke tension me sab bhul gaye? Naarad Vishnu ke charno me girkar bola... Samajh gaya prabbu sab samajh gaya.. Aapne meri aankhe khol di... Saaransh: Bhagwan apne bhakto ke bhi ghamand ko choor kar dete hain... Esliye kisi bhi baat kaa ghamand nahi karna chahiye. (IMO)
 

Toocool

Addicts
Apr 2, 2007
5,125
66
1 request please post hindi fonts story if it's in hindi........ It's a headache to read it in English alphabet
 

iCon

masoom kameena!
[OP]
Regulars
May 18, 2011
3,221
90
Tapatalk me Hindi font noi hai :(